Om Førde Køyre- og Rideklubb

Førde Køyre- og Rideklubb vart skipa i 1984, med utspring frå Førde Fjordhestlag som ungdomsgruppe. Klubben arrangerte allereie i 1986 Noregs fyrste NM Fjordhest, og har sidan arrangert dette i 1996, 2008, 2009 og 2016. Klubben har Mo og Øyrane vidaregåande skule (Mo) som hovudanlegg. Her er det alt frå 20x40, 20x60 og 40x80 bane, til travbane samt maraton- og feltrittrittsbane. Med andre ord har me eit fantastisk flott område til å halda stevner og kurs på, og medlemmane våre kan disponere anlegget til eigentrening når dei måtte ynskja dette.

​

Førde Køyre- og Rideklubb arrangerer kurs og foredrag året rundt, og styret tek gjerne i mot ynskjer frå medlemmane. Det kan vere alt frå t.d. dressurkurs, feltrittskurs, køyrekurs til foredrag om fôring etc.

​

For dei konkurrerande ryttarane/kuskane i klubben, er det mogeleg å søkja reisestipend til stevner og kurs. Stønad utifrå avreisestad vert innvilga slik:

• Eigen kommune, inntil kr. 200

• Nabokommune, inntil kr. 400

• Elles i fylket, inntil kr. 600

• Ut av fylket, inntil kr. 800

Det er òg mogeleg å søkja stønad til Norgesmesterskap (dette gjelder også dei som startar greinmeisterskap eller BUF på NM Fjordhest), ein kan få inn til kr. 2000 per medlem. Dei som startar opne klassar kan få inn til kr. 1000 per medlem.

Våre medlemskap er:

• Hovudmedlem (300 kr/ året, inkl. årleg abonnement på bladet «Hestesport»)

• Hovudmedlem (150 kr/ året, eks. årleg abonnement av bladet «Hestesport»)

• Familiemedlem (400 kr/ året, inkl. årleg abonnement på bladet «Hestesport»)

• Støttemedlem (150 kr/ året)

• Støttemedlem for familie (250 kr/ året)

Støtte er enkeltmedlem der medlem har moglegheit til å vere med på klubbens aktivitetar, og får medlemsfordelar på klubbkveldar, foredrag og aktivitetsdagar.

Me håpar at du òg har lyst å vere medlem i klubben vår. J

Ta kontakt med Kristine Hafstad på telefon 918 45 570 eller fkrk.hest@live.no, om det er noko du lurer på.